MAITIIA TEPUTE: 2 me te 16 TUHUA

Tuu tau hoa paotu o te Paio e Ua,
Tuu tau hoa mei te Henua Enana, mei te Henua Tuamotu me Maareva, mei Pirae tihe atu i Tautira, mei Teahupoo tihe atu i Papara,
Ua vae mai otou iaù Tepute no te Paio e Ua i te èhua 2002. O to otou èo o taù i haa maama atu i te Henua Farani.
He tau hakatoo hou te tau hana e amo atu me te Hau Henua atii me to tatou Peretiteni Farani.
Na te Tepute e haatutuki atu i te Henua Farani me Porinetia.
Na tatou paoto, tama mei Porinetia e hakatu i to tatou vaka.
Mei Mataiki 2004, nui tatou i peàu i to tatou maakau:
" AOE matou e kaki
- na to Tahiti anaiho e haatee i te tau motu,
- E tuhaia hei koè i te moni,
- E kao pu to matou hakatu haa ènana, to matou èo me to matou taetae.

E kohoà nei matou i te mea hou!
"Tuu maakau: Porinetia tuu haaavaia te tumu o te Katahi"

E hakatu au i Porinetia me otou, te Henua Farani, te tau Upoko Haatee o Porinetia, te tau Hakaiki.
Te haaavaia te tumu o te maakau:
* Hakatu te pakaihi i te vehine me te vahana, te poi mate me te poi mate koè, te tau tai ènana, te tau Hakatu haaènana, te Upoko haatee me to ia poi hana, te tau Haè hana a te Hau me te Hau koè, Tahiti me Na motu e Ima...
* haahei i te Mana o te ènana me te Taetae o te Henua;
* Haahei i te Maama no te haahakatu i te mokai;

Oia nei tuu tau maakau no Porinetia tuu haaavaia.

TE HAAAVAIA I TE TAU TAETAE O TE HAU HENUA

* E pakaihi ananu au i te Henua Farani to tatou henua tiketike nui ;
* E vevao ananu " UMOI e mahaè i to tatou èo tumu";
* E vevao ananu au te haikaia i te poi hemo i te mate tekeo i te hana tupita i oto o te tai ;
* E tohe au ia te hakako i te poi paotu i te haataetae i te henua.

TE HAAAVAIA O TE MANA ME TE TAU MAAMA

E ape au i:
* Te patuia i te Pu Motu e Ima i toto o te Papatuhituhi Henua etià e katahi mai te tau Upoko Haatee a te Hau Farani, te Hau Henua me te tau Hakaiki paotu no te kaituto i te tau hia o teia motu o teia motu;
* Te vaeia te Paio mataèinaa e Toù i oto o te Hae Putuia Kaùoo no te àkaàka mai o te hana
* Te vaeia i titahi Haè Hakakoia no te haamaamaia katahi i te poi hana a te Hau Farani, te Hau Henua me te tau Haè mataèinaa etià e àva te maama;

* Te toko i te Papatuhituhi Mataèinaa etià e mana te tau Haè mataèinaa e haahua atu i te tau apeia a toia tau mataèinaa;
* E tahi putuia ma he èhua o te tau Upoko Haatee o te Hau Farani, te Hau Henua me te Minihi Hau Farani o te Tau Motu etià e hee ananu te hana katahi i mua;
* Na te Tepute e haapao i te tau maakau meitai o te tau maitiia tepute, me te hana katahi o te tau Haava me te Minihi Hau Farani o te Tau Motu;
* Te uuia o to tatou Henua i oto o te tau Henua Europa Katahi no te Umihiia, te Natura me te Taetae ;

TE HAAAVAIA O TE MONI ME TE MATAEINAA

* E toko au i te tau kaitutoia a te Hau Farani me te Hau Henua me te aahi atu i hua tau hana tihe atu i te Henua Farani;
* E tohe ananu au i te hakatuia i te tau haè;
* E patu au i te tau pepenaia hana, e haauo au i te tau Hana iima me te Patoko i te natura;
* E kaiape au i te haamau mai i titahi Mata Ti’ohiia no te haahee i te hana hamani i mua;
* E haakoana mai au mei io te Etatira Patuia Moni i te haamana i te hatu henua me te tau toko haava no te enana paotu;
* E tohe ananu au i te patoko i te poi makaka, mau i te humu, me te haapei i to àtou uuia i vaho o te haè humu;
* E haauo ananu au i te Hana katahi me te tau motu no te tau Hana o te Natura, te ii pu, te mate me te Mataèinaa.

Tuu tau hoa,
E kohoa nei i au e hakatu i Porinetia me otou, me te Henua Farani me te tau Upoko Haatee henua.
O KAUTAI Benoît, te hakaiki o NUKU-HIVA, to au Hoa toko.
Oia te Hakaiki i vaeia e te nuiia o te tau Hakaiki o te Paio e Ua. O àtou to au Tautua toko.
U tapii mai te AIA API, te NIU HAU MANAHUNE me te TAATIRA NO TE HAU.
O to oe èo tenei e oho nei!
A vaa! A tu! A maiti mai !

PORINETIA O TE HAAAVA
I te 2 me te 16 Tuhua, a vae mai ia
Béatrice VERNAUDON me Benoît KAUTAI. Koutau nui